Lampahan Sindurapati (Wayang madya)

(prabu aji pamasa ya prabu kusumawicitra ing pengging,ringgit madya mangkunegaran corekan by mas imam maskur)


Pathet nem :

1. Jejer pengging : prabu aji pamasa kahadep patih tambakbaya, prabu jayasusena ing mataun, prabu gandakusuma ing malawapati, lan Raja gandarwa karawu ing parwastra. Rembag : - Anggenipun sampun kagungan kersa mantu ingkang putra saketiganipun : raden citrasoma kaliyan Dewi sriyati, raden citrasena kaliyan Dewi sendangsari adhine umbulsari, raden umbulsari kaliyan Dewi suwedawati atmajanipun resi kalasuweda (nanging mawa pangurbanan resi kalasuweda pejah sampyuh kaliyan prabu kala prawata awit ingkang putra kacidra) - Ganti rembug tata tata pra wadya bala sawayah wayah tedhak turun prabu kala prawata mbalela - Ganti rembug : nata banakeling prabu sindura dangu tan kepareng sowan mring pengging, punapa pancen niate ajeng mbalela. - Katungka praptane para punggawa yenta wadya banakeling wus pacak baris wonten sak pinggiring kutha. Prabu jayasusena lan prabu gandakusuma mapagaken wadya Dene Raja gandarwa karawu kadhawuhan kinen tumuju mring wana krendawahana senjata pitulungan. Pasewakan bubaran

 2. Paseban njawi pengging : patih tambakbaya kahadep resi sucitra pujangga praja, patih rajakandhi patihe gandakusuma, anak patih tambakbaya raden sukarta, wayah raden dusasana raden jayasasana miwah punggawa pengging harya wirajaya, wirabadra, lan wirantaka. Rembag : tata tata mapag mengsah wadya banakeling. Budhalan. Raja gandarwa karawu mabur mapagaken raden umbulsari. Sigeg.

 3. Jejer negara banakeling : prabu sindura kahadep patih jayasambega. Rembag dangu Tan purun sowan pengging awit gadahi niat kepengin mbalela lan ngadegaken negara piyambak. Budhalan sabrang niat nggempur pengging.

 4. Perang gagal : wadya pengging kepapag wadya banakeling. Sulayaning rembag dadi pancakara rame. Wadya pengging kaseser,prabu gandakusuma lan prabu jayasusena ingkang maju. Wadya banakeling mundur. Sigeg.

5. Jejer magak ing negara ima imantaka : prabu kala martiki kahadep togog lan mbilung. Rembag : ora narimakake pejahipun ingkang putra prabu kala prawata sampyuh kaliyan resi kalasuweda nalika nyidra Dewi suwedawati. Niat arsa males Pati. Gya utusan wadya ima imantaka budhal ngamuk mring negara pengging. Budhalan.

 Pathet sanga :

1. Ing wana : raden umbulsari lumampah ing wana kadherekaken repat punakawan.

 2. Perang kembang : raden umbulsari kepapag wadya raseksa saking ima imantaka. Sulayaning rembag dadi pancakara. Wadya raseksa ima imantaka sami pejah. Candhakan : kepanggih Raja gandarwa karawu. Rembag : anganti raden umbulsari tumuju dhateng wana krendawahana. Gya budhal kekalihipun mabur gegana.

 3. Ing wana krendawahana : putra Batari durga Dewi kalayuwati nampi sowanipun Raja gandarwa karawu lan raden umbulsari. Rembag : nyuwun senjata pitulungan awit pengging badhe kabedhah, Dewi kalayuwati ngampilaken wadya bala buta bajang kinen ngunduraken mengsah. Sasampunipun dipun ampilaken kekalihipun sami pamit. Sigeg

Pathet manyura :

1. Ing pesanggrahan banakeling : prabu sindura sak wadya balane sami lerem, ing gegana Raja gandarwa karawu lan raden umbulsari ing gegana sami ngawat awati kedadak ing katebihan wonten sabrang ima imantaka lumampah, lajeng Raja gandarwa karawu mateg aji panggendaman, wadya ima imantaka kagendam (nembe dumugi pesanggrahan banakeling dikira sampun dugi pengging, sak wontene wadya banakeling diamuk ngantos wadya banakeling sak ratune prabu sindura pejah). Sasampunipun Ratu banakeling sak wadyanipun sami pejah, wadya ima imantaka disumbari Raja gandarwa karawu “ora bisa mbedah pengging yen durung bisa nututi abure. Wadya ima imantaka nembe kelingan bilih sanes wadya pengging ingkang dipun pejahi, sakala badhe ngamuk nanging Raja gandarwa karawu ngedalaken wadya bala buta bajang saking kantung karumba. Dadi perang rame, Raja gandarwa karawu ngedalaken watu timpuru, kabalangaken wadya ima imantaka sami lumpuh. Dipun bekta mring pengging. Togog lan mbilung mlajar

 2. Candhakan : prabu kala martiki nampi sowane togog lan mbilung. Wadul menawi wadya ima imantaka sami kapikut lan kabekta mring punggawa pengging. Prabu kala martiki ngamuk. Candhakan : dumugi ing pengging prabu kala martiki mateg pengabaran geni, wadya pengging mati gosong, agenge geni sumundul kahyangan ngantos geger. Prabu aji pamasa judheg, semedi ngantos batara narada rawuh, maringaken jemparing kyai siwandageni ingkang dados jodhonipun kyai cundhamanik, kyai siwandageni kalepasaken dening prabu aji pamasa lan jemparing dados geni ngantos ngobong prabu kala martiki dadi lan patine.

3. Candhakan brubuh : garwanipun prabu kala martiki sesilih Dewi parwati ngamuk arsa bela Pati nanging kepapag Dewi kalayuwati, Dewi parwati teluk. Lajeng Dewi parwati mapagaken prabu aji pamasa. Candhakan prabu aji pamasa pinanggih Dewi parwati lan Dewi kalayuwati. Dewi parwati nyuwunaken pangapunten dhateng sedaya lepatipun garwa putra, lan Dewi parwati maringaken serat sastraweda tetilaranipun ingkang Rama prabu meru supadma. Rumiyin serat punika saking prabu jayabaya, sasampunipun kaparingaken prabu aji pamasa, Dewi parwati nyuwun pamit arsa nderekaken Dewi kalayuwati, suwita mring wana krendawahana. Sigeg.

 4. Jejer pungkasan : prabu aji pamasa kahadep prabu gandakusuma, prabu jayasusena, Raja gandarwa karawu, patih tambakbaya, raden umbulsari, lan semar. Sedaya sami suka syukur Dene lelampahanipun sampun purna. Tancep kayon.